Природно лекување на тврда столица & опстипација

Несомнено е дека повеќе од половина од луѓето имаат проблеми со тврда столица, а доста често се јавува и опстипација или народно познато како запек. Причините поради кои се јавува овој проблем најчесто е брзата храна и недоволното количество на течна, односно чорбеста храна. Ние денеска ви нудиме неколку совети и едноставен рецепт за надминување на овој проблем. 

Еднаш до двапати неделно задолжително јадете чорбеста храна.

Секојдневното конзумирање на брза храна е главен причинител за тврда столица, проблеми при дефекација и честа опстипација.

Конзумирајте многу овошје.

Редовно конзумирајте многу овошје во текот на денот. Колку и да не сте во можност, потрудете се ниту еден ден да не ви помине без изедено барем едно јаболко, бидејќи јаболкото и сливата се сметаат за многу добри во надминување на овој проблем.

Бидете физички активни.

Физичката активност ја подобрува цревната перисталтика како и работата на целиот дигестивен систем, па така ќе допринесе за превенција на отежнатата дефекација и опстипација.

Едноставен природен рецепт против тврда столица и опстипација:

Потребни состојки:

– 500 грама сува смоква

– 500 грама сува модра слива

– 3 литри вода

Приготовка:

Сливата и смоквата ставете ги во сад со 3 литра вода. Ставете го садот на оган. Оставете го да се вари се додека во садот не се намали течноста за некаде половина литар.

Конзумирање:

По 100 грама од течноста пиеме пред и после оброк. Оваа природна терапија ја користиме редовно повеќе денови. Резултатите ќе ги видите сами.