Кој тип на родителство е најдобар? Кој го применувате вие?

Растејќи, дали некогаш мислите дека вашите родители се премногу строги? Можеби си еден од оние строги родители, без разлика дали го признавате тоа или не. Но, дали строгите стилови за родителство навистина заслужуваат толкава фама?

Можеби е смешно или чудно, но науката сугерира дека да се биде построг родител, всушност може да помогне да се поттикнат подобри и поуспешни деца.

Зошто строгите родители обично имаат подобри деца?

Најверојатно се прашувате: што значи подобри деца? Во студијата од 2015 година објавена од Институтот за социјални и економски истражувања, професорот на Универзитетот во Есекс Ерика Раскон-Рамирез појаснува: Помеѓу 2004 и 2010 година, Раскон Рамирез истражувал база на податоци од 15.500 ученички на возраст од тринаесет или четиринаесет години.

Таа открила дека децата кои имале строги мајки биле посигурни и поуспешни. Како резултат на тоа, децата од семејствата со строги родители – особено мајките – имаат поголеми шанси да завршат колеџ, да добијат добра работа и да успеат во животот. Во многу случаи го правиме она што сметаме дека е правилно, дури и против волјата на на нашите родители.

Но, без оглед колку и да се трудиме да ги избегнуваме препораките на нашите родители, веројатно е дека на крајот тие ќе влијаат, на еден посуптилен начин, во однос на избори што ги сметаме за исклучително лични.

Родителски стилови: колку строго е премногу строго?

Секој родител и возрасна личност која планира да стане родител еден ден се запрашаува ова. Колку строг ќе бидам како родител? Постојат студии каде што експертите тврдат дека строгото родителство има минимални бенефиции за децата. Но, со толку многу „експерти“ на оваа тема, на кого верувате – и ја оставате својата судбина во рацете?

Строгото родителство, според психотерапевтот Филипа Пери, може да го претвори детето во личност која лаже (и тоа многу ефикасно лажење). Кога детето лаже, тоа не е затоа што тој или таа е лошо дете. Наместо тоа, лагите можат да произлезат од ко-креирана ситуација во која детето се чувствува несигурно да ја каже вистината. Прекумерната дисциплина, вршењето притисок врз детето може да прерасне во огорченост кај детето.

Ако не си строг со детето, кои се другите мерки?

Значи, постои ли средина? Може ли родителите да ги применат насоките и вредностите на нивните деца, без да се плашат и да ги кријат грешките туку да ги решаваат.

Бројни студии зборуваат за очигледната интелектуална супериорност на азиско-американските студенти во споредба со сите други етнички групи, особено во математиката и науката.

Тоа не е затоа што тие едноставно се родени со таков интелект, но кинеските родители се построги, бараат повеќе, ги држат своите деца со повисоки стандарди и имаат казни подготвени кога децата не успеваат да стигнат до некоја одредена цел.

На прв поглед, авторитарниот стил на родителство се чини непосакуван. Дури и ако децата завршуваат добро, дали вреди да се компромитира нивната емоционална и социјална благосостојба? Ова е многу малку веројатно.

Размислете за авторитетен родител – има разлика. Додека авторитарното родителство функционира од страв, авторитетното родителство – иако напишано на сличен начин – ги нагласува високите стандарди во комбинација со изобилство на родителска топлина и отворена комуникација.

Во авторитарното родителство: 

  • Острата дисциплина може да доведе до бунтовни деца;
  • Строгата дисциплина ја поттикнува лажната идеја дека користењето на моќта е секогаш во право;
  • Врските меѓу родителот и детето се отсутни од емпатијата, врз основа на страв и малтретирање;
  • Децата имаат тенденција да бидат „добри“ само кога родителите се во близина, со што се поттикнува лажењето;

Во попустливото родителство: 

  • Детските желби се исполнуваат на сметка на некој друг;
  • Недостатокот на здрави ограничувања не им дозволува на децата да научат самоуправување и да ги наметнат своите граници;
  • Чувства на тага и разочарување стануваат скоро и невидливи (затоа што родителите прават сè што можат за нивните деца никогаш да не го почувствуваат тоа)

Авторитетен родител: фина рамнотежа

Независно која страна ќе ја одберете, попустливо и авторитарно родителство се две крајности и секое си има свои недостатоци и предности. Она што најдобро функционира е авторитетно родителство.

Тоа се темели со емпатијата што се наоѓа кај попустливите родители и здравите граници поставени од строгите.
На крајот од денот, односот помеѓу детето и родителот е единствен. Слободата, според неговото значење, бара ограничувања. На пример, причината зошто им дозволувате на вашите деца слобоно да играат во дворот што е близу до патот е поради тоа што дворот има ограда.

Инаку би можеле да наидат на сообраќај. Значи, иако ограничувањата понекогаш може да изгледаат премногу строги, нема причина зошто да не може во исто време да се покаже и љубов.