Сè зависи од тајмингот … Кога е најдобро да се вежба, а кога да се прекрши диетата?!

Покрај сите обврски кои ги имаме во текот на денот, вистинско чудо е да најдеме време да се наспиеме, здраво да се храниме и да тренираме. Дали знаевте дека сето тоа можете да го постигнете доколку правилно го распоредите своето време?
 
Најдоброто време за појадок, ручек и вечера. Вашиот појадок треба да биде најдоцна до еден час после будењето. После 4,5 часа од будењето би требало да биде вашиот ручек, а неколку часа после ручекот треба да вечерате. Доколку растојанието помеѓу главните оброци е поголемо, толку поголема ќе биде и вашата глад, а колку повеќе го чувствувате гладот, толку поголеми се можностите да ја прекршите диетата и да земете брза храна која дебели. Најважното правило кое мора да го почитувате е 3 часа пред спиење да не јадете ништо, затоа што толку време е потребно да се свари храната.
 
Најдоброто време за да се мерите на вага. За да добиете најреална информација за вашата тежина, најдобро е да се измерите веднаш по станувањето од кревет. Доколку утрото не ви одговара, тогаш определете одредено време во кое ќе се мерите и придржувајте де до тоа.
 
Најдобро време за пазарење. Најдоброто време за пазарење е претпладне во 10 часот, бидејќи тогаш ќе бидете со полн стомак. Доколку одите да пазарите и чувствувате глад, а имате ниско ниво на шеќер во крвта, тоа може да влијае на вашето одлучување. Доколку сте гладни додека пазарите многу лесно можете да паднете во искушение да купите нездрава храна како што се грицките и слатките.
 
Најдобро време за вежбање. Наутро!Според едно истражување лицата кои вежбаат наутро пред многу калоричниот појадок, за време од 6 недели воопшто не ја зголемиле својата телесна тежина. Додека лицата кои вежбале после истиот појадок се здебелиле за 1.5 кг. Со утринските вежби го забрзувате вашиот метаболизам и ги трошите повеќе калории во текот на денот.
 
Најдобро време за да го посетите вашиот лекар. Доколку треба да одите на лекар, најдобро е тоа да го направите во утринските часови. Така освен што помалку ќе чекате, ќе го избегнете и гладувањето.
 
Најдобро време за забрзување на метаболизмот. Вистинското време за тоа е во 8 часот претпладне, а до тогаш веќе треба да сте станати, да сте се измериле и да сте вежбале. Најдобриот начин за да го забрзате вашиот метаболизам е да испиете една чаша ладна вода веднаш откако ќе станете.
 
Најдобро време за да ја нарушите диетата. Доколку сакате да си попуштите малку на себе и да се почестите со не многу здрава храна, постои вистинско време и за тоа. Јаглените хидрати е најдобро да се земаат за време на појадокот. Најдоброто време за внесување масти е претпладне, во 10 часот. И мастите и јаглените хидрати го зголемуваат нивото на енергија во вашето тело, па така имате цел ден за да ги потрошите калориите.